受無綫力捧的朱晨麗,除早前有份參演重頭劇《衝上雲霄II》外,在收視不俗的《情逆三世緣》中更擔演重要角色,由後生演到老,甚有發揮機會。談到今年的成績,目標是否台慶飛躍進步女藝人獎甚至最佳女配角獎?朱晨麗說:「係有目標,但自己仍然有好大嘅進步空間,都會朝住呢方面嘅目標走,如果有得入圍已經好好。」
去年處女作《名媛望族》出街,朱晨麗本有很大抱負,豈料受到不少批評,換來很大打擊,她坦言:「明白做呢行唔係咁易,唔只努力,仲要遇啱時機、角色,總之要做好眼前嘅嘢,得到觀眾認同係最重要。」
採訪:丁寧
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!