周麗淇（Niki）早前為時尚美容雜誌《add》擔任封面女郎，這位一直被視為黃金盛女的小富婆，剛度過34歲生日，工作愛情兼得意，認真可喜可賀！繼鄭嘉穎及紗廠太子爺Eric後，最近Niki與內地小生、比她年輕五年的徐正曦發展姊弟戀，她在微博要求大家給予空間，大方默認男友地位，訪問中提到她的感情事，Niki雖不願多談，卻全程笑不攏嘴，戀愛中的甜蜜表露無遺。
情侶着重溝通
其實Niki的擇偶條件很簡單，她說：「唔可以矮過我，感覺上好冇安全感，其實呢啲都係其次，我覺得情侶間係可以傾訴，唔需要特別遷就，遷就對方唔能夠一生一世，夾嘅話根本唔使遷就。」姐姐周汶錡已為人妻，原來周媽媽早已趁金價低時為Niki買金辦定嫁妝，可想而知母親也替女兒着急。
近年Niki積極發展內地市場，早前在橫店拍劇時被指身嬌肉貴、公主病發、曬不得、不願郁、助手左右護法撥扇遞水，Niki指純屬誤會，全因大熱天時穿着厚厚戲服濃妝所致，她說：「周麗淇喺香港係唔會出汗，記得有場戲我同導演都非常滿意，點知重睇monitor（螢幕）時發現我滿面水珠，最後我都忍唔住提議重拍，一邊拍一邊有人幫我補妝，非常狼狽。」（詳細內容請參閱第24期《add》）
撰文：唐如
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！