戲中嘅李心潔，成日見鬼。原來現實中，都撞過鬼。
前晚嗰集《最佳女主角》，李心潔親述撞鬼經歷。話有一次同老公喺房，忽然覺得好暴躁，仲差啲搞到嗌交。之後老公忽然臉都青晒，行向心潔，好似想幫佢撥走啲嘢。跟住就急急腳跑出房，揾心潔父母，話見到有個人頭喺心潔隔離。心潔仲話試過有一次去北京一間酒店揼骨。揼完仲瞓著，點知就俾鬼壓。
有網民睇完好驚；亦有人話，好哋哋清談節目，點解要講鬼故。
足本收睇《亂噏24》x 甄子丹；天后潮媽陳慧琳接力登場！
周一至周五《亂噏24》預埋你： http://bit.ly/appletalk24