「人見人愛、車見車載」，八方唔係講緊自己，呢個係李麗娟對呢個高官「退休俱樂部」嘅評價。媽打係首批買呢個盤嘅前高官，持有一個單位。佢話約3年前、即係個盤開售時，經創新科技署署長王榮珍、即公務員事務局常秘黃鴻超太太介紹下買嘅，「佢哋買開先，之後一個介紹一個」。媽打向八方爆料，每逢一大班朋友上去中山玩，「end up有人會去買樓」。
呢個盤到底有乜嘢吸引力呢？對媽打嚟講，應該唔係因為鄰近高爾夫球場，事關佢唔識打golf，佢強調環境靚係最主要原因，加上成班朋友圍威喂住喺附近，一定唔會悶。佢每個月至少上去兩次，除咗喺附近搵好嘢食，由細到大都景仰孫中山嘅佢話，中山市翠亨村個孫中山故居紀念館，一年都去幾次㗎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange