肥媽瑪利亞日前哭訴子宮生瘤，其中一個有6.3cm大，未知係良性定惡性，佢堅持完成演唱會先睇報告。噚日有雜誌報道指肥媽患咗子宮癌，佢接受訪問時透露腫瘤「唔係好嘢」，會掃描做詳細檢查，如果有需要，會割子宮同卵巢。記者噚日致電肥媽，佢將電話轉駁返公司，助手接聽話：「肥媽瞓咗覺，佢聽日至睇醫生，𠵱家未知報告係點，暫時唔清楚情況。」據雜誌報道肥媽估計醫生要佢做化療，不過佢寧願睇中醫，仲推咗無綫新劇，專心對抗病魔。
撰文：馮仁昭
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24