（喜）周二其他季前賽，湖人終於報番首戰輸波之仇，喺加州安大略「半個主場」出擊，以90:88擊敗金塊，養緊傷嘅後衞拜恩（上圖），就換晒運動裝坐喺後備席，好似助教咁督師。另外，網隊教練傑特嘅「地標」戰作客巫師，網隊加時以111:106險勝，傑特都算有好開始，不過射手祖莊遜得分食蛋就樣衰啲。
力爭3連霸嘅熱火，一眾球星就拍攝官方宣傳短片，唔知係唔係港產片《激戰》大收，短片都以一眾球星做gym晒肌肉為主，好似「大帝」勒邦占士就好似《激戰》一片兩位主角張家輝同彭于晏咁，又玩搬車胎，又玩戰繩（Battling Rope），講真勒邦占士嘅大隻程度，真係勁過張家輝多多聲。
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24