全城講緊美國債務傾唔傾掂數之際，港股喺23000關口繼續浮浮沉沉。強勢股如科網一哥騰訊（700）、濠賭股銀娛（027）等，都開始高位見回吐。反之，內房股就蠢蠢欲動，可以反映一件事，就係資金未走人，繼續炒股唔炒市，散戶可以放心搵強勢或追落後股。
瑞信籲買 上望6.5元
本欄在9月尾時建議過，如果翠華（1314）能夠守得住4.5元，就不妨先吸納第一注。瑞信昨日亦首次發報告唱好，給予翠華「跑贏大市」評級，目標價更高見6.5元，較昨日收市價仍有近四成上升空間。
該行指，翠華是香港出名茶餐廳，預計2014至16年度，經營利潤年複合增長率可高見75%，主因受惠其積極擴大內地生意版圖，收入年複合增長率更達90%，同時興建中央廚房，有助改善內地毛利率，以及令租金員工支出佔比下跌。
報告指，雖然預計競爭對手味千（538）2013年度盈利大幅反彈74%，但翠華是一隻長期買入及持有的股份，長線而言，翠華的盈利增幅必可超過味千。
睇番技術走勢，翠華昨日完成整固，受惠商務部宣佈，十一黃金周期間零售和餐飲企業銷售額增長近14%，強勢逆市炒高4%收4.74元，成交額高達5,572萬元，並且成功升越多條平均線，同時RSI及STC都響起轉勢訊號，試圖想衝破橫行區間，照睇隨時會展開升空之旅。
瑪姬兒
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24