近年唔少MV都有啲好大膽嘅演出，昨日張繼聰就出咗新歌《雙生焰》嘅官方MV。
MV內張繼聰勁騷佢弗爆身型，結實腹肌胸肌表露無遺，除咗開頭及最尾係着住件開胸小背心，全個MV張繼聰都冇着上身衫。
所以除咗唔着衫外，張繼聰喺MV入面仲同一位外籍女模特兒激咀，個女模仲只係着剩個bra及底底，佢哋唔係係咁易咀嘴，而係近四分鐘MV內，激咀咗差唔多兩分鐘，有啲Shot仲見到女模擒落張繼聰個身，仲錫埋張繼聰個胸添，意識都幾大膽喎。
唔知張繼聰老婆謝安琪，睇完個MV之後會有乜評價呢？
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！