楊婉儀與老公王瑞勳、女模Cara G.與老公Jesper、Jocelyn和Anthony夫婦等，前晚在中環出席時裝店The Swank活動，開設教育中心的楊婉儀，對於雙非童來港爭幼稚園學額，表示正着手辦兩間幼稚園紓困。
港九各一間
楊婉儀說：「好慘，我計劃開幼稚園，小朋友有機會返學係應該，香港同內地家長為小朋友好。開幼稚園係想佢哋有教育機會，一方面係回饋社會。」幼稚園會與美國教育局前成員合作，辦美式國際幼稚園，至於學費及地點？她說：「唔係國際幼稚園收費，唔係喺山頂，係大眾化去到嘅地方。另一間喺九龍區，畀搭車過關嘅小朋友。」
問到是否為雙非童而設？楊婉儀說：「係，港島區畀香港小朋友，另一間幫雙非，新聞話佢哋日日過關辛苦，我同先生講寧願揸車接佢哋都冇所謂，唔想小朋友返學辛苦。」普通話教學？她說：「英普，美國學校都係咁。唔擔心小朋友學唔到廣東話，睇電視、同同學、老師傾偈用廣東話，想學生競爭力強啲。」
楊婉儀謂開始裝修學校，將申請教育牌，預計明、後年在港島區開設第一間，學額100多個，九龍區學校學額200多個。
Cara怕爭位
同場低胸的Cara G.懷孕五個月，明日會知胎兒性別，當她得知排長龍撲幼稚園後，即謂將來在家教BB，讀小學時會送到外國，並安排普通話課程。另外Jocelyn下周一與老公在香港的酒店慶祝30歲生日，生育計劃依然在兩年後。
採訪、攝影：林嘉慈
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！