梅艷芳生前跟時裝設計師劉培基合作無間，港台節目《Made in Hong Kong》昨播出劉培基的錄音訪問，他指當年19歲的阿梅經唱片監製介紹下，邀請他設計舞衣，劉培基說：「佢好似小朋友咁，佢眼神有少少渴望，希望我可以幫佢。」二人一拍即合，劉培基視阿梅為妹妹看待，會直接問她拍拖事：「我好似嚴厲家長，佢係一個反叛嘅人，我係唯一可以鎮住佢嘅人。」
阿梅曾被傳吸毒及紋身，劉培基代澄清：「完全冇呢啲事！佢係瘦，我當年搵咗名模劉娟娟除衫畀佢睇，證明女人瘦都係靚，阿梅係完全冇紋身。」當年阿梅《烈燄紅唇》的舞衣酥胸半露，劉培基說：「我喺個bra墊到盡，差少少就走光！」他於阿梅的《極夢幻演唱會》設計歌衫，劉培基說：「佢呢個演唱會自己製作，受咗好多委屈，嗰晚後台攬住我喊。」
撰文：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！