強國人對黃金嘅痴情，從瘋搶「土豪金」iPhone 5s可見一斑，唔少產品亦乘機抽水，紛紛推出黃金版。
得到股神畢菲特厚愛嘅國產車廠比亞迪（1211），食住土豪個勢，新推出油電混能車，個名叫「秦」，有「土豪金」同「地主銀」配色，唔知會唔會掀起炒風呢？
呢兩部強國味濃嘅新車，喺微博上流出多張寫真，應該係北京一間汽車公司宣傳「秦」嘅伎倆。金色版除咗「BYD」三個大字、車軚同尾燈外，全車用鍍金包裝；強國土豪想晒命，呢部應該係心水之選。
另一部銀色戰車叫「地主銀」，睇個名已經夠創意。但華華擔心內地客唔太like，因為「地主銀」似足隱形戰車，開出街未必人人見到。比亞迪汽車銷售副總經理李雲飛仲講笑，已經有「土豪金」、「地主銀」，唔爭在整多部「秦始黃」喎！
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24