彭丹、廖碧兒、霍震霆跟囝囝啟山等，昨晚到金鐘一酒店出席影視界國慶酒會暨電影《南泥灣》首映禮。身為甘肅省政協的彭丹依然性感打扮，以deep V粉紅晚裝現身，但見她容貌與之前又有不同，鼻頭變高。
《南》片是彭丹首部導演的電影，昨晚她帶同兩位男主角楊駿、張博到場，透露下月將執導新作《功夫Baby》，她說：「希望可以帶多啲正能量畀小朋友，而且搞笑係我本色所以會繼續。」問到性感打扮會否不合適？她說：「時尚同愛國冇矛盾，唔係愛國就要好土，好似香港爭取普選，兩邊都係愛國。」霍震霆接受訪問時透露孫兒已經改名，但留待兒子公佈。
採訪：文國駿
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！