亞視舉辦的2013年度亞洲先生下月15日在港舉行，亞視繼7月在深圳舉行面試後，近日又在官網舉行《ATV 2013微亞生競選》，由網民透過微信在20位候選者中投票選出一位「微亞生」，直接晉身下月亞洲先生總決賽。昨日亞視公佈20位微亞生候選名單，不少爆肌男大騷結實胸肌，務求成功爆出，也有不少騎呢一族，驚嚇度十足。
19號張瑞暫時領先
20位候選者中，以來自上海的16號「妖瘦男」侯天俁最驚嚇，他如綺夢般舉起手勁姣扮cool擺甫士，令人一看便深深感受到他那股「妖」味。又有激似力王樊少皇的13號「爆肌力王」王亞球、最年輕只得17歲來自香港的3號「幼齒張立基」李大衛，也有貌似黃長發的9號「肌味長發」林澤嘉等，當中算較靚仔及型仔的，僅得來自哈爾濱的5號盧冰若和19號張瑞，二人相貌甚有韓國型男feel。「肌味長發」林澤嘉與來自南寧的17號李敏寧，除齊齊晒肌外，更在身上狂搽油，令肌肉閃令令，有如吳剛上身。20位候選人中最年長的，是33歲的李敏寧。
得票率最高的微亞生，須經評審委員會核實及符合來港參賽資格後，才可直接晉身總決賽爭冠軍，而微亞生投票原來上周二已開始，至周日（13日）晚上11時59分截止投票。截至昨日，張瑞以366票暫排第一，來自北京的18號董偉以365票排第二，第三為355票香港代表「幼齒張立基」李大衛。
撰文：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！