周柏豪昨到銅鑼灣出席鞋履品牌周年展覽活動，吸引大批粉絲排隊合照攞簽名，昨日活動有位「娘版柏豪」出現，畫了眼線的他剪了一個柏豪頭，連衣着打扮都抄到足，還陰聲細氣說：「好鍾意柏豪。」
合照時娘版柏豪一手攬着偶像，還將頭枕在柏豪肩上，更突施狼吻強咀柏豪面珠，突襲成功後才被工作人員拉走，事後柏豪笑笑口說：「有啲興奮感覺。」問有冇被嚇親？他說：「冇，玩吓啫，更加刺激都試過，有次幫鄭伊健個唱做嘉賓，出台時支咪冇聲，伊健喺台下換衫幫口唱，原來自己冇拜神。」
採訪、攝影：藍文浩
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！