一，要有心、有知、有能，最佳人選，是超人和偉哥合體。
二，港大選校長，「幫港出聲」的主持人，講到明要幫「港大」出聲，冇理由唔入圍。
三，為免再被惡評為「差咁一截」，校長只能請高人中的高人，或者差人中的差人。警隊會考慮推薦自己友。
四，北望祖國，只有神州能敵非洲。最後兩強內定，但賽程肯定不會採取世界盃賽例，教授放心，唔係選非洲足球先生。
五，烏干達經驗低處未算低，下一round選拔，瓦奴阿圖的精英也會加入競逐。
六，被游說下，誠哥，你是最佳人選喎。積極諗諗佢，捐埋身家，可享冠名榮譽。
七，老實講，還有誰比梁振英更了解中港關係又識內交型中文？俾個下台階佢，唔需要搵腳痛做藉口，落台後，俾個校長佢做，幫港大見縫插針起樓，一樣得！