上星期寫過TCL通訊（2618），無幾耐爆升算有交代，都係嗰句，繼續努力！
另一邊廂，近排8字頭股仔隻隻龍飛鳳舞，中國汽車內飾（8321）發盈喜，鉦皓（8132）升勢一浪接一浪，似乎呢種「創仔尋寶熱」繼續停不了！
如果要博，梗係搵直博率高嘅博啦。Pro J見到駿科網絡（8081）低位收貨後炒高咗一陣，馬上掃一掃佢地嘅新聞，原來話進軍網上金融。近期網上銀行吹得熱血沸騰，呢個行業可以以幾何式級數改變市場生態。駿科突然停牌加股份出售，向項目投資同基金出發，幾有angle，睇實睇實！
轉轉話題，聯合國糧農組織總幹事達席爾瓦，喺國際農科院院長高層研討會上吹水話，全球農產品供應形勢向好，中國糧食增產成績世界矚目。全世界饑餓人口從10億降低到870萬，其中減少咗嗰3億饑餓人口，都係由於我哋阿爺國嘅貢獻，中國係全世界糧食生產同供應嘅最佳典範。
農業股錢途無限
中國加入世貿（WTO）十年後，農產品貿易總額由279.2億美元大幅增至1,219.6億美元，上升3.4倍。持續有支持農業嘅政策配合，推動中國農業現代化發展，農產品、農業企業「走出去」嘅前景大致上都估到。呢樣不但直接惠及農業板塊，亦帶挈推動農產品流通「現代化」、農村「金融發展」嘅股份。
講真農業板塊嘅利好消息不斷，吸引越來越多資金，金融資本蜂擁而至，凸顯農業領域正在迎接各種投資同發展機遇。未來幾年農業公司數量將會幾何級數增加，港交所（388）可以為我哋搵到優質、有亮點嘅農業股就好喇！
徐燦傑
中國銀河國際財富管理主管
本欄逢周三刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange