【直擊報道】
最近網上瘋傳將軍澳日出康城業主難頂堆填區惡臭，最終平賣甩手。正當日出康城第三期緻藍天共1,648伙，計劃年底開售之前，棄「城」逃亡，卻大有人在。一名居住領都兩年的鄭女士則大嘆想甩手，但放盤半年都賣唔走。
記者：陳家雄 蔡家儀
上月《香港討論區》一名署名「老頂」的日出康城業主，自爆頂唔順臭味而搬家，本報記者曾嘗試聯絡未果；但上周到現場訪問時亦有個別業主身同感受；也有業主因為住所並非面向環保大道，不覺得像別人所說般嚴重。
該名已賣樓的小業主在討論區登上一篇題為《終於忍唔住搬離日出康城》後，即時收到大量網上回應，有支持亦有不同意。老頂指出，「2012年尾結左婚之後搬左入黎，之前冬天只係耐唔耐有味都可以接受，一到左夏天臭味出現的密度多左好多，一星期可以有三四日都有味，如果吹正風向真係好臭……兩個月前終於忍唔住要搵地方搬」。
塵多空氣差 望露台興嘆
記者走進鄭女士的單位，她第一時間走近露台噴空氣清新劑，「通常早晚一次」，秋高氣爽，卻開冷氣，這是過去兩年來的慣性動作。未搬入日出康城前，一家四口住將軍澳怡心園800幾呎三房單位，09年領都開賣，「阿仔話，代理講呢度賣4,000幾一呎，買得起，而且有露台……我鍾意露台。」於是將自住的怡心園以230萬元沽出，套現百多萬元，「嗰時呢度（日出康城）賣410萬元，買中層唔夠錢」，賣樓套現回來的錢，剛好夠付三成首期。
兩年前入伙，「初初點解會聞到坑渠屎嗰啲味嘅」，尤其是落雨後，陽光普照，「風吹來就有味，唔係日日有，間中。後來問朋友，先知堆填區喺隔籬，當時差啲喊呀!」，「當初我都唔知有堆填區，發展商又無同我講。」住了兩年，問題接踵而來，「個仔鼻敏感，我有時會眼紅，因為空氣唔好……垃圾車又成日喺前面不停經過，垃圾車嗰啲汁，滴啲味酸酸嘅」她稱每逢吹南風，味道零舍犀利。
總結兩年居住感受「好難過呀！即刻想搬走。」原本心儀個露台，鮮有踏出去，「我姑媽話，妳個露台嘥咗！我話唔開得，好多塵，啲塵係黑色，日日抹，日日都有。」
她嘆口氣後說：「呢度都是由400零萬先升到500萬……我老公鬧我，唔知頭唔知路買呢度，你睇我哋住個度（怡心園），升到500萬啦！」
可惜放盤半年，只有兩枱睇樓客，叫價唔算狼，500萬開頭，屬銀行估價，驚唔驚賣唔出？「驚呀！」問他面對準買家，會否好似對記者般和盤托出，他坦白說：「我會唔出聲。人是自私㗎，當日我買嗰陣，夠無人話我知呢度有堆填區囉！」
毗鄰領都對面的第三期已命名為緻藍天，已申請賣樓。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange