香港劏房問題嚴重大家都知，除咗政府無能外，香港大學經濟系教授王于漸有個獨到分析，就係同香港離婚率奇高有關喎。佢指香港每年有2萬宗離婚個案，結婚就有6萬宗；累計離婚住戶達26萬戶，佔本港240萬住戶近一成，大大推高對劏房需求。
他仲用公屋戶離婚為例，「通常阿媽帶住對仔女繼續住公屋，阿爸就同隻狐狸精搬出去住劏房，跟住就要求畀阿仔個名嚟申請公屋！」離婚後遺症亦降低社會人力資源的質素，「因為父母分開後，投入畀個細路嘅資源肯定少咗。」
佢批評特區政府計算房屋需求，只係計入每年結婚對新增房屋需求，卻未有考慮及離婚這項重要因素。由於離婚造成嚴重社會問題，他已開始作深入研究探討。
不過佢認為呢個勢頭都幾難逆轉，仲引述一個外國年輕人咁樣同佢阿爸講，「你教我嗰啲價值觀都冇用，乜嘢兩公婆一生一世，相敬如賓，我啲朋友個個都離婚，冇一個可以一齊！」他又指現時年輕人遲婚，但又不想與家人居住，亦是另一推高對劏房需求的原因。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange