剛在華鼎獎獲封視后的陳法拉，昨晚到圓方出席時裝品牌活動，她說：「收到好多短訊，同父母傾電話幾感動，媽咪話下年返嚟探我睇獎，仲提醒我謙虛唔好驕傲，希望多啲導演搵我拍戲，我唔會加價，好抵用。」
對於傳不和的諸葛紫岐懷孕7個月，法拉避忌說：「冇留意，但有聽過，我哋冇見面，恭喜佢。」問會否送禮物給諸葛？法拉說：「總之恭喜晒。」問幾時到她做媽咪？法拉笑說：「未有咁快。」之前要有線除咪牌的法拉，昨用廣東話接受有線和now主播拿咪牌訪問。
因睡眠不足面上長滿粒粒的鍾嘉欣，到場後即擁抱法拉，問是否恭喜法拉攞視后？嘉欣愕然說：「唔知喎，真係好恭喜佢，大家鬼妹仔見面攬。」之前嘉欣拍劇受傷，問男友伍允龍有否擔心？她說：「個個都擔心，佢都有擔心，以前佢教過我點避，但自己成日以為冇事，一直冇練到。」
同場的應屆港姐冠軍陳凱琳曾想過做模特兒，可惜自己唔夠高，問會否性感行騷？她說：「自己唔會揀呢啲，呢個係我原則。」
採訪：楊潔雯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！