自從出來做事之後，行街嘅次數屈指可數，行街可以是成班朋友花全日格價格盡成條街，只為買平幾十蚊而高興。在剛過去嘅黃金周，Samantha冒着被自由行逼死嘅危險，殺入銅鑼灣各大潮場，就係打算重拾行街嘅滋味，點知打個筋斗都仲得，人唔多，吉舖仲多。
吉舖多嘅程度是，可畀一間吉舖，放上一堆商品當廣告賣，八啩問靚仔sales，賣個咁嘅廣告要幾多錢？靚仔話：「唔使錢！只係用嚟填補空間，吉舖太多會趕客。」
望住樓下的墟冚，同樓上的冷清，對比幾咁強烈、幾咁諷刺，而鄰近商場都有類似嘅遭遇，思歪一日不減辣招，相信銅鑼灣未變回潮人集中地，就變成艇家集中營。
大劉又再一次向大家說明：又睇啱個市喇！華置（127）年初將銅鑼灣地帶180間分拆出售，因為入場費平，吸引不少稍有財力嘅散戶落場，發展商提供首兩年的租金保證，現未必蝕到入肉，但炒樓行尊就講，唔諗吓計仔遲早淪落死場，到時要醫番好更難，可學下旺角商場諗出一個theme做旺個場，好似先達、信和咁，拆售後仍能闖出一片天，現只差一條橋！
Samantha
本欄逢周一、三、五刊出
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24