（喜）意甲周日大戰祖雲達斯主場鬥AC米蘭，A米開賽未夠20秒就由蒙達利先開紀錄。之不過實力始終係祖記高啲，倒戈嘅派路（21號）喺15分鐘主射罰球扳平，易邊後基奧雲高又入一球反超前，到75分鐘又係派路發威，射罰球中楣但有基亞連尼補中，到補時A米由蒙達利再入一球都係輸2:3。A米兩年前嫌派路老而免費放佢走，畀佢哋揀多次唔知會點；不過意大利名宿維埃里就話，派路下季好可能免費加盟英超熱刺。周日另一場意甲又有爭議事件，森多利亞半場前開罰球清脆入波，但球證話吹咗半場雞唔計數，最後2:2賽和拖連奴。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange