子宮生瘤的肥媽瑪利亞，前晚在紅館繼續和葉麗儀及陳潔靈一同演出「3個女人1個墟2013唱過界演唱會」尾場，薛家燕、女兒石祐珊及緋聞男友王梓軒，還有戚美珍及廖安麗等捧場。雖然身體不適，但肥媽依然落力演出，還拿自己的病來講不文笑話，其夫上台獻花及咀嘴，令肥媽感動落淚。
前晚肥媽唱到《Mama I Love You》時再度感觸喊，其夫此時上台送花及紙巾，兩人即場咀嘴兩次：「Thank you我老公，其實我好難頂，百足咁多爪。身體唔舒服呢件事，仔女同老公都唔知，中國女人係報喜不報憂。我喺老公面前好溫柔好姣，否則咁嘅身形點會有咁嘅老公。」雖然身體抱恙，但肥媽竟不忌諱以自己的子宮瘤來講不文笑話：「人哋話呢啲嘢唔生仔就生嘢，少用佢咪嬲，不過老公久唔久用吓佢，可能係用得唔夠多。」有觀眾大叫：「啋！」肥媽聞言笑稱：「啋鬼我乜嘢，我話老公少用廚房。」
葉麗儀預祝66歲
眾人又為葉麗儀預祝22號66歲生日，送上生日蛋糕，令葉麗儀感動嗚咽，尾聲時三人各說心底話，其中肥媽謂：「可能係最後一次喺台上，呢個機會衷心多謝你哋畀我哋。」說畢肥媽又再落淚。
慶功宴上葉麗儀透露生日應身在多倫多，她又指日前坐港鐵入閘後有職員檢查她用長者優惠：「諗番都會心一笑，應該係我個樣唔似用長者卡。」肥媽表示原定想下月做手術，但想提前在月尾：「巡迴唔好意思都要等吓，手術後康復先可以做，當係坐月。」葉麗儀叫肥媽千萬不要急着開工，因為做完手術會傷元氣，正所謂長命工夫長命做。
採訪：馬建華
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好
多時裝靚嘢睇！