〈哀〉多蒙特同拜仁慕尼黑（白衫）上周六喺德甲竟然齊失分，跌到一地眼鏡碎。作客對慕遜加柏嘅「蜜蜂兵團」多蒙特，有中堅曉姆斯累事，禁區內踢跌對手輸12碼，兼被趕埋出場，最後寡不敵眾輸0:2，今季聯賽首次輸波。至於拜仁作客利華古遜，由卻奧斯先建功，但就被敵軍前鋒悉尼森姆追和1:1完場。拜仁雖然失分，仍然憑1分壓過多蒙特上榜首，而且跨季聯賽不敗已經增至33場，仲爭4場就可以破漢堡喺82至83年期間嘅36場聯賽不敗紀錄，難怪教練哥迪奧拿和波後都冇咩不滿啦！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange