仲記得周星馳喺2010年入主比高（8220），首次以執董身份出來講鴻圖大計，講到天花龍鳳，但三年時間過去，華華就仲未睇到有乜成績。
新option溢價0.2%
當年星爺做董事的五年薪酬組合，冇現金袋落袋，但公司就以當時折讓逾50%的價格，發了大批可換股債和認股權畀星爺，認股權（option）行使價0.2元（喺經過合併股份後的調整價）。
不過，噚日比高就突然宣佈，由於星爺有一批認股權啱啱過咗期喇，為咗「肯定周先生對集團發展的貢獻」和「鼓勵周先生繼續致力貢獻本集團」，所以比高決定再發過一批三年期的option畀佢。
今次行使價就係0.1814元，較公司最新收市價只有0.22%溢價，可認購股份數目達1.25億股，市值約2,260萬。希望星爺呢三年繼續努力，真係用到呢批option，有糧出啦！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange