【移居宜蘭】
「來到宜蘭先至係生活，望上天好藍，朝早踩單車到河邊，啲風吹埋嚟好soft；夏天可以去蘇澳浸冷泉，冬季到礁磎浸溫泉」。12年前嫁來台灣的Delise邊為來自溫州的客人登記入住民宿，邊向記者「晒命」。
「呢度好山好水好人情」
50歲的Delise說，初來宜蘭，「呢個地方聽都未聽過，一住就愛上，呢度好山好水好人情，香港人多車多，生活得好緊張，以前想做瑜伽，要匿埋健身房做，𠵱家喺屋企露台背山面海做，人精神好多」。她說，在宜蘭認識了許多朋友，「唔單止我住呢個社區識晒，係成條街都識，經常互相幫忙，成個社區好似一家人」。
Delise最讚不絕口是房價較香港平一半，一幢三層樓房2,400多呎，當年只需80多萬港元，每月生活費2,000至3,000多元已經很好用，「𠵱家間屋升值到300幾萬港元，雖然貴啲，但都平過香港買一個500呎單位」。
擁有兩幢洋房的Delise，5年前開創新的事業，將其中一幢樓改作民宿，「做民宿帶畀我好多美好回憶，啲客人走咗會回感謝信，其中唔少係香港客」。她說自己早上愛踩單車周圍走，找尋新景點介紹給客人，「做民宿要用個心，先做得好」。Delise上月回台灣，朋友們說香港不好住，向她求教移民台灣之道。記者問可會回流香港？Delise沒有半點猶豫說：「𠵱家香港咁吵鬧，都唔係好想返去。」
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange