平治公佈銷售數據，9月賣出14.3萬部，增16%，創單月歷史新高，善長是強國同胞。習總上場打貪風聲緊，平治仍瘋賣，潮男Tommy解釋：中國家陣要低調中的浮誇，「好似副特別版Ray Ban咁，外面睇係單色，鏡框內的Rare Prints先係價值所在。」 當薄瓜瓜揸住架法拉利招搖過市後，佢老爹的下場，試問邊有人敢再買保時捷、Maserati等？但平治、寶馬呢啲高檔車唔少白領都買得起，幹部們買多幾架都未必被察覺，買完豪裝都仲得，保住頭上頂烏紗要緊，要炒概念，正通汽車（1728）可以一諗！
喺《福布斯》亞太區最佳上市公司排12的正通，第一個賣點就是品牌大路兼組合夠平均。據官網資料，代理寶馬、Volvo同小量平治。中期純利4.7億元（人民幣．下同），較2012年下半年大增近七成，存貨按年減少8%至30億元樓下，存貨周轉天數減少10天至44.4天，終見復蘇迹象。
正通另一賣點，是售後服務好好搵，營業額13.7億元，按年升三成，佔整體比重上升至一成，毛利率為46.6%，而新車銷售毛利率僅5.6%，最重要當汽車銷情遇冷時，售後服務絕對是救命丹的作用，前景值得看高一線。
Samantha
本欄逢周一、三、五刊出
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24