陳豪、歐陽妙芝和姚嘉妮昨日現身尖東海旁，出席Kinder+Sport兒童馬拉松活動。準爸爸陳豪吸引不少小朋友圍住影相，連他也笑言多了不少小朋友粉絲：「自己都開心同小朋友相處，好有好奇心。」據悉陳豪向友人透露太太陳茵媺（Aimee）的預產期是本年底，但對BB性別依然保持神秘未肯透露。不過陳豪昨謂做熱身搵定資料：「自己有睇書，遲啲會上產前學習班，想學習面對小生命，會陪Aimee做產檢。」
搵蔡少芬做奶媽
早前Aimee外出遇交通意外，陳豪說：「會盡量小心啲，一係我揸車或朋友載，要朋友陪佢出街。」問他有否搵定契爺契媽，又有記者提議他找好友蔡少芬做奶媽，他笑言：「呢排冇見佢，佢喺劇做過。」
此外，歐陽妙芝帶同八歲半大仔玉丞及將六歲的孻仔玉亨參賽，笑言一家齊齊要減壓：「呢代小朋友好辛苦，本想輕鬆啲，自己都力不從心，大哥要學十二樣嘢，又數學、國語、打功夫。細佬少啲，都要學跳舞同烹飪，𠵱家兩個仲一齊學韓文，有個靚姐姐教，上堂好專心。」
採訪、攝影：盧妹
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24