大熱日劇《半澤直樹》講下屬點樣同上司抗爭，但理想歸理想，現實點夠薑？瑞年國際（2010）首席財務官潘翼鵬早前透露，58歲嘅集團主席王福才平時非常着重健康，仲會同員工「打成一片」，一齊去辦公室內的籃球場打波。
一眾識趣嘅員工，當然亦會遵守球場上嘅潛規則，畀機會老闆出吓風頭，盡量讓啲空位畀佢射波啦。老闆不時都會「波癮起」，唔理員工有冇帶運動衫，都要佢哋「忍痛上陣」，而自己都試過有一次，着住成身西裝落場，同主席打番場友誼波。
潘翼鵬仲透露，除咗做運動，主席每日食飯都會隊番支啤酒，話係養生之道喎。雖然講開飲酒，佢都不忘推介吓公司產品，話佢哋出產嘅氨基酸片，其實仲有解酒作用，事前事後服用皆可，親證有效咁話喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange