「方丈好小器㗎！」早前有報道講曼聯翼鋒費韋特沙夏（圖），因為搞領隊莫耶斯嘅靚靚女兒，而俾莫帥雪藏，今季1分鐘都冇落過場，雖然沙夏仔事後否認，但似乎喺紅魔前途都好黯淡，有傳曼聯1月將會外借佢出去。另外，曼聯前仗輸畀西布朗，莫帥搵日本中場香川真司祭旗，睇嚟香川都冇運行，有指佢1月會外借返母會多蒙特。不過沙夏仔就懶理外借傳聞，周四同韋碧克、艾拉、艾舒利楊格等隊友，一齊睇美國歌手Jay-Z喺曼市舉行嘅演唱會。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange