藝人成日俾人標籤為「偽人」，都唔怪得人。好似台灣藝人吳尊，前年俾人踢爆同初戀女友林麗瑩秘密生女，但就死口唔認。日前就忽然自打嘴巴認已婚有女，月內再做老竇㖭，問你服未。不過講到自打嘴巴打得最應嘅，就一定係鄭中基（Ronald）同蔡卓妍（阿Sa）呢pair過氣夫妻啦！
話說2010年，有人揭發佢兩個喺06年秘婚，原本兩人連拍拖都唔肯認，但就煞有介事宣佈已分手，梗係有景轟啦！之後再追查，呢次連張結婚證書都search埋出嚟，真係點都兜唔到。見報當日，Ronald同阿Sa突然開記招，公開承認配偶關係，同一時間宣佈離婚，聽到全港市民啞晒。呢件事教訓大家誠信好緊要。
撰文：阿Wow
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24