無綫昨晚在電視城直播節目《時刻裝備TVB創造46年傳奇》，並為台慶亮燈，《On Call 36小時II》、《巨輪》、《法外風雲》、《最佳女主角》、《三個小生去旅行》、《星夢傳奇》和《愛．回家》等演員大晒冷。
節目出街前藝人在台上排位，陳豪、楊怡和陳法拉等站第一排，但離巢的法拉企最側，她事後謂不計較。節目後影官方大合照，叫咪找法拉才知她走了，結果她的位置由港姐冠軍陳凱琳頂上。鄭裕玲以八卦法庭公審陳豪、法拉和祥仔，陳豪被問到生仔還是女，陳豪說：「Is good！係好字，一半仔一半女。」
而謝賢（四哥）和胡楓稍後往西班牙和葡萄牙拍《三個小生去旅行》，四哥揶揄胡楓口吃，胡楓還擊要敬老，十分搞笑。四哥指08年後未入過電視城，這次純粹畀面新老闆。可想有美相伴？他鬼馬說：「黐線，想死咩，我有女朋友。」
採訪：何慧斯、楊潔雯
攝影：陳慧安、陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！