「細細粒」陳嘉佳以肥成名，她亦真的由細肥到大，在劇中她不時帶給觀眾歡樂，但原來小時候的她並非過得特別快樂，細細粒說：「開心只係同屋企人，返學嘅朋友唔多，因為肥，同學仔唔鍾意同我玩，分組活動，永遠冇人肯同我一組，所以小學過得唔開心。」撰文：羅美倫
上海出生的細細粒，兩歲隨家人來港定居，出世時體重跟一般BB差不多，她說：「6斤重，即係7磅幾，不過到小五時已經170磅，1米68高。」肥不是來自先天，而是因為家人放縱任她食：「小二時媽咪叫我自己靜靜哋食嘢，我真係好靜咁係咁食，食到冇節制，足足食咗十個橙、一磅雞翼！」細細粒年紀小小就食量驚人，5、6歲已可一個人食一個鐵板餐。
渴望拍拖
雖然小時候朋友不多，但細細粒沒有因此而喊過，樂天的她說：「咪唔玩囉，到小五開始學琴，放假都好少出去玩。」直至上中學，細細粒自由出街，她注重外表，試過減肥，她說：「乜嘢減肥藥都試過，但體重始終徘徊喺140到185磅，頂峯試過185磅。」亦因為肥，細細粒從未嘗試拍拖滋味：「都冇人追，男同學追嗰啲唔係靚就要瘦，冇我份，不過我每年都有對同班一個男同學有好感，年年換一個。」
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24