劉青雲於92年拍無綫劇《大時代》，除了為他創下事業第一個高峯，更帶挈他認識了太太郭藹明，二人於98年結婚，是圈中公認的模範夫妻，青雲表示每年會定下時間與太太旅行，放鬆自己及增進感情，他說：「我好鍾意去旅行，睇唔同嘅嘢，係好大嗜好。平時生活我冇乜嘢特別要求，只會間中飲吓酒，不過冇研究。」
無意生小朋友
青雲與太太結婚十五年，恩愛如昔，兩夫妻有何相處之道？青雲謙虛的說：「我哋唔算模範，最緊要互相遷就，結婚好得意嘅，十年前嘅佢同𠵱家會好唔同，好似不斷認識緊一個新嘅佢。有時會有拗撬，大家睇法會唔同，但大家表達咗就OK！兩夫妻有時會為小事嗌交，但一遇到大事就會好團結。」
至於可有想過生小朋友？青雲則說：「冇特別咁諗，唔係特別想要小朋友。其實𠵱家生活幾好吖，每樣選擇都有佢嘅好處同付出，𠵱家OK！」看來青雲十分享受與太太的二人世界。
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24