李心潔日前成為時裝美容雜誌《add》的封面女郎，宣傳老公彭順有份執導的電影《逃出生天》，大談工作生活點滴。封為鬼后的心潔，在鄉村長大訓練成膽子很大，最近便與兩個朋友去印度貧民區，她自言老公膽子也不會比她小：「佢成日話我明知危險都去做，死咗冇人會可憐我，佢係一個好有危機感嘅人，我係亂嚟，有事發生佢會好鎮定。」
夫妻着重溝通
與彭順結婚3年，心潔開始減產專注家庭及照顧13歲的繼女：「結婚後人長大咗，感覺踏實，心都定咗，有個家同女，知道自己責任，要顧及別人感受，夫妻相處要溝通，要接受真正嘅佢，學會放低。」心潔表示二人未有生B計劃：「生小孩唔可以計劃，因為係命中注定，我哋都喺度試，但唔想畀自己有壓力。」
心潔自言與老公一齊工作有默契：「喺片場，我嘅身份係演員，佢身份係導演，工作就係工作，有啲人話兩夫婦一齊做嘢會有磨擦，我哋都會有意見不合，不過幾享受一齊做嘢，大家都有默契。」（詳細內容請參閱第23期《add》）
撰文：唐如
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24