張嘉兒大前晚去完蒲，昨日就跟無綫劇《神鎗狙擊》演員在荃灣出席宣傳活動，張兆輝、謝天華和周海媚未有現身，幸有徐子珊和岑麗香等撐場。徐子珊飾演的女警經常遇到爆炸情況，但幾乎每次都輕易逃過，於是被稱為不死身，近日更有不死片段在網上流傳，子珊說：「咁我咪真係變咗不死人？另一個角度咪安慰自己有觀眾留心睇我嘅戲。」
子珊續說：「其實我都好無奈，觀眾未能接受，我都有少少唔開心，我跟足劇本做，導演同監製都收貨，所以希望觀眾慢慢接受創新啲嘅事。」提到今年視后之爭，子珊說：「我冇諗住爭，𠵱家言之尚早。」至於緋聞男女香香和張致恒（Steven）就否認緋聞。
採訪：何慧斯
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好
多時裝靚嘢睇！