上日推介TCL通訊（2618），在強國4G發牌憧憬下，股價狂飆13.6%，以全日高位收市，報5.69元。高盛、美林、麥格理等大行買盤狂掃，相信升勢仍可持續。
今日推介廣船國際（317），獲母公司中船集團增持，再送百億注資，大戶壓價收集完成，昨突破兩年高位，屬全面開車訊號，8.50元附近可上車，中線起碼睇14蚊！
呢次注資的最大特點係廣船一蚊都唔使畀，單靠批股集資搞掂。廣船最近公佈，向中船、寶鋼與中國海運集團配股集資28.25億元，其中約12.05億元將用作收購中船旗下的龍穴造船。換言之，近乎免費收購完呢個華南最大船廠，公司仲有多16.2億銀作營運資金，爽！
批股完成後，中船持股量由35.71%升至55.85%，收股唔收錢，更大幅增持，一睇就知係好嘢！收購仲要加多項「不競爭條款」，列明日後油輪、散貨船、礦砂船等業務，全部交晒畀廣船，清晰到位，前景亮麗。
龍穴造船淨資產值4億人仔，加上16.2億Cash，令廣船NAV翻了半番，即由現時每股約8蚊增至12蚊，反映現時PB約0.73倍，折讓甚大，加上明年航運業復蘇，注資壯大實力後，廣船明年盈利勢將飛升。走勢上，廣船已突破52周線8.56元水平，長期大升浪爆發在即！
魏力
http://www.facebook.com/2012jason
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange