【亂噏24 第13集】要克服痛楚，首先要學懂面對，卓韻芝便是最佳人辦。06年自殺不遂的她，由鬼門關折返人間，多得林夕填了一首《黑擇明》給她，今日已完全走出陰霾，並在《亂噏24》樂於暢談自殺經歷。《亂噏24》足本版逢周四晚上11時播出，可在 http://bit.ly/appletalk24重溫。
撰文：馮國康、Sidekick
三個男人都係一個墟。在等候卓韻芝期間，黎智英（肥佬黎）、蔡瀾和倪匡已面紅耳熱，那不純粹是陳年白蘭地的效果，而是眾人為應否重提阿芝自殺一事而爭拗。倪匡說：「呢啲點可以問人呀！」蔡瀾反應甚大：「點解唔可以呀？我哋到𠵱家都唔可以？」肥佬黎起初都認為不太適合：「我哋年紀大都要留番啲空間畀人。」後來想一想又轉軚：「不過睇佢寫嘅嘢就知，呢個女人睇化咗，癲癲哋，幾過癮！」蔡瀾甚至覺得她樂於分享。
「叮噹，叮噹」肥佬黎口中的「癲女人」駕到，幾句恭維話後，阿芝便向三人派發新書《商業笑容》。倪匡不明書名意思，肥佬黎搶着答：「即係笑得好假！」並語帶恐嚇的對阿芝說：「嗱你唔好同我哋商業喎，要用真心去做呢個節目，唔好商業笑容加埋商業對白喎！」首次近距離接觸肥佬黎的阿芝，被他的話嚇到心寒，肥佬黎笑說：「好驚呀嘛，好似黑社會？嗱，如果導演搵你拍戲，有黑社會頭子嘅角色，你可以介紹埋我！」只可惜阿芝執導的新片《爆3俏嬌娃》快將上映，惟有等下次了。
尋死用錯方法
阿芝在三位高人面前，識趣地收起商業笑容，亦毫不吝嗇分享06年自殺經過。
「商業電台DJ卓韻芝疑因懷念亡母，昨晨在九龍城亞皆老街寓所內，用紅酒送服安眠藥企圖自殺，幸其男友及時趕到及報警。」那只是當日的報道，真相又如何？阿芝說：「我喺屋企，第一個諗就係不如跳樓。但大家唔好笑我，我即刻喺度諗如果我跳樓，屋企人層樓咪會跌價囉！」然後便想其他方法，其間出奇的冷靜。「準備一切嘢，就好似平日寫稿咁，開着電腦，開咗個word file，頭兩個字——遺書。」她在電腦前如數家珍般寫下欠單——唱片、錢、人情之類，但隻字沒有提及為何自尋短見。大難不死後，林夕問她尋死方法，便知她用錯，阿芝不禁自嘲：「所以知識改變命運！」對自殺方法沒知識的她，因此而改變了命運！及後林夕為陳奕迅（Eason）的《黑擇明》填詞，「死亡遲早都找你，切勿憑自己」就是說給阿芝聽的。
倪匡認定阿芝當時患了抑鬱症，並抵死地以「黐線」來形容：「腦神經有幾十億條，其中忽然搭錯咗，你黐咗線都唔知自己做緊乜嘢。」
暢談房事習慣
如何處理情緒，的確是一門高深學問，有人窮一生都找不到答案。大俠倪匡從未有失落的時候，被蔡瀾形容為「外星人」絕不為過，倪匡解釋：「因為我後生嗰陣日子過得太苦，不飢不寒已經非常滿足。你哋朝早洗面會唔會感恩？我覺得手扭一扭有水流出嚟，就歡喜到咩咁！」肥佬黎認為是心態問題，當你早晚想着不快，只會永遠走不出框框，只有從好的方向想，才能解開心結。他即場舉出「寫作人最痛」例子：「最記得嗰日寫稿，寫咗成日，點知一㩒，仆街，張稿唔見咗！我成個人好似發癲咁樣！」原來當日肥佬黎用iPad打稿，誰知iPad長期在陽光暴曬下過熱，稿件亦不翼而飛。「唯一安慰自己，第二篇我同樣寫，第二次一定會好啲，咁咪冇咗事囉。」寫到這裏，筆者亦快快按下儲存鍵。
說起寫稿，阿芝本想向三位前輩討教捱眼瞓技巧，三人卻着她：「眼瞓就瞓啦」，沒好氣的她惟有說朋友教她聘請一個前解放軍，每朝拿着棍子逼她起床寫稿，肥佬黎笑說：「可能用第二啲棍你仲慘呀！咖啡都飲唔到，到時大肚呀！」引得哄堂大笑。
話題轉移到談情說性，可說是「開正阿芝嗰瓣」，酒精的影響更令她肆無忌憚。蔡瀾指出成熟浪漫的男人，完事後會與另一半傾偈談心，作「腦的性交」，阿芝不禁質疑：「男人邊度鍾意之後傾偈㗎？」相信肥佬黎也是性情中人，即時糾正：「男人如果愛一個女人，做完愛係好想佢纏住你。如果條友做完愛，話差唔多可能冇的士啦快啲走，嗰條友叫雞咋！」阿芝直說：「但係我唔想傾偈喎。」即被倪匡取笑她叫鴨。
近年興起網上文化，阿芝在這方面的認識，當然遠比三位前輩多，畢竟她也曾被高登網民封為「負評芝」。阿芝指出網民根本不需負責，粗口也不用刻意寫出來，用簡寫代替，讓被罵者自行意會，她說：「你感覺到佢鬧你就得，唔使知佢鬧你乜。鬧人嗰個又冇所謂鬧你乜，總之畀你知道我鬧緊你。」老頑童倪匡似乎對網絡文化很感興趣，居然在鏡頭前做出「高登小丑神」的跪拜符號，認真向阿芝討教符號意思，逗得阿芝滿心歡喜。
髮型：Ziggie of La Mod salon（卓韻芝）、Aki Choi of Hair Culture（吳千語）
化妝：Micky Choy of such a good（卓韻芝）、Zoe Fan（吳千語）
服裝：g-team（卓韻芝）、bread n butter（吳千語）
對付商場大鱷 打工仔靠假笑
http://bit.ly/talk241301
林峯做衛斯理？ 千語BB唔敢Like
http://bit.ly/talk241302
港自殺率飆升 DJ一死成名
http://bit.ly/talk241303
影壇青黃不接 發哥地位無可代替
http://bit.ly/talk241304
港耆英晚年歡樂 全靠寫作
http://bit.ly/talk241305
峯語決裂？千語唔Like形式浪漫
http://bit.ly/talk241306
男女談性似交易 新生代嚇人愛情觀
http://bit.ly/talk241307
抗拒女追男 千語專睇男人缺點
http://bit.ly/talk241308
奉旨偷食 港男賤招絕密公開
http://bit.ly/talk241309
千語愛BB 林峯知唔知？
http://bit.ly/talk241310
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24