平日將林峯治理得貼貼服服的吳千語，今次在肥佬黎、蔡瀾和倪匡面前即變回小綿羊，說話細聲，舉止輕盈。作完一輪自我介紹後，三位前輩對這年僅19歲的小姑娘有初步了解，但這時倪匡突然想起千語是林峯的女友！當日黃百鳴想拍衛斯理，而最多讀者渴望由林峯去演，倪匡說：「仲使乜搵白素啫，咪現成喺度囉！」
白素真人版
三人大讚千語演白素最適合，倪匡更指出早前內地漫畫家夏達繪了一幅白素像，竟跟千語有七、八成似。蔡瀾卻對林峯演衛斯理𢱑晒頭，質疑對方不夠氣質去演，他認定當今只有周潤發較適合，而最理想當然由倪匡自己做番！
林峯當日公開向千語BB說了七遍「好愛」，浪漫至極，千語原來並不喜歡太形式的浪漫，她說：「我唔係好鍾意成日都要surprise。我鍾意生活上好細心嘅嘢，可能係出門口前貼個memo喺個煲度『記得飲湯呀』，已經係浪漫。」與林峯相戀的日子裏，千語總給人強勢感覺，但她自問不是aggressive的人，甚抗拒女生追男生。肥佬黎大表贊同，更分享經驗：「老實講我後生時唔係好醜樣，冇𠵱家咁醜，我係好抗拒女仔追，所以我從來冇感覺到女仔追我。」
要識分真假
千語最近閱讀一本外國小說《Fifty Shades of Grey》，講述男主角是年輕有為又有錢的靚仔，跟林峯條件相似，但女生認識他後才發現他很多的陰暗面。那千語可擔心代入了女生角色？她說：「我覺得睇一個人要通透佢嘅缺點先，如果覺得缺點我接受咗，優點對我嚟講係bonus。」肥佬黎即場點化：「同一個人交往唔使理缺點優點，係睇真定假。」
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24