無綫昨晚近7點，終於發表聲明，指「『不可使用廣東話政策』並不存在」，又表示無綫嘅立場係公司從來、現在及將來都冇政策禁止其藝員及歌手於其他電視台節目亮相時使用廣東話，又話:「無綫電視並無對在其他電視台使用廣東話的無綫電視合約藝人和歌手作出任何不公平對待。」
一直以來，不時傳出無綫因為藝人同歌手喺其他媒體講廣東話而予「封殺」或「雪藏」，但無綫甚少承認，內部人士只係收order辦事。如果現實中真如無綫聲明所講，係不存在「不可使用廣東話政策」，咁點解張學友率先以廣東話接受亞視訪問，其後更開口指摘無綫對歌手不公平︰「唔好下下自己話晒事，話封殺邊個就邊個。」唔通學友一直錯怪咗無綫？
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24