CY梁振英因為只獲得689名選委支持做特首，所以被戲謔為「689特首」。早前有網民發現一架車牌係「CY 689」嘅凌志私家車，全城立即議論紛紛，估緊係咪狼英嘅私人座駕。華華最近路過半山老牌豪宅陽明山莊嘅停車場，竟然見到呢架「CY 689」嘅真身！
查過運輸署資料，呢架車首次登記喺2008年底，車主另有其人，英文拼音「Chong,Yuen」，簡稱一樣係CY，登記地址係德輔道中金龍中心某單位，華華走去踩場，發現係一間叫「中國軟包裝控股」嘅公司。唔知呢位「Chong,Yuen」有冇興趣將車牌賣畀狼英呢？
話時話，689呢排認真運滯，講緊嘅係上市編號689嘅長盈集團，呢隻股表現麻麻，假後港股連升兩日，長盈股價就跌足兩日，累計跌幅達一成，仲創埋兩個月低位㖭！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange