周三本報刊出四個基金的訪問，受訪基金經理很一致地看淡商品、原材料股。水泥股亦是近日所聽的其一「基金棄股」，因為「覺得冇起得咁多嘢」。不過，昨天麥格理更改對水泥板塊的看法，調高到中性，其中更將華潤水泥（1313）評級調高。潤泥昨天報5.33元，升0.8%。
可博但要有耐性
麥格理指，料今年下半年至2015年的供應大幅放緩，今明兩年淨增長僅達6%及3%。因有政府支持，提高鐵路固定投資，加上樓市政策放軟手腳支持樓市，料今明兩年水泥需求增9%及7%，煤價持續疲弱有助降低生產成本。該行稱，中南部水泥價見底，看好潤泥，評級由中性升至跑贏大市，目標價調高15%至6元。大和亦看好潤泥，指該股公佈跟福建能源訂立協議，合資發展及擴張水泥及混凝土業務，該行對協議正面，潤泥在福建是主要水泥生產商，該區收益僅次南中國，跟福建能源合作可以增加市佔率，故維持買入，目標價同樣維持5.95元。
分析員看法普遍一般，僅一半睇好，但亦只有少數睇淡，其餘近半騎牆。美林早前公佈基金經理調查，環球基金經理近六成減持新興市場材料股，新興市場投資者亦有相同減持比率。但在此背景下該股自6月底至今仍反彈36%，若基金有調整對水泥股睇法，升幅可以更強，但要博，或須有耐心等，本欄宣判：跟！
高明
http://www.facebook.com/AppleKoming
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange