美國國會兩黨貼錯門神，扣起白宮今年度筆預算撥款，搞到政府要暫停部份服務，情況係17年來首見，事件不但反映兩黨不和，更凸顯奧巴馬政府處於弱勢，做任何決策都要諗過度過，以免碰釘收場。
就以儲局主席人選為例，伯南克出年1月離任已經係眾所周知，自從奧巴馬愛將、前財長薩默斯上月中墮馬後，白宮已暗示副主席耶倫將會坐正，但唔知點解，奧巴馬日前回應傳媒提問時，對儲局接班問題支吾以對，只係講伯南克表現出色，接班人將延續佢嘅優良政策等官腔。
雖然奧巴馬仲未開金口，但根據博彩網站Paddy Power最新賠率，耶倫接班嘅賠率係五賠一，冇兩星期前、薩默斯墮馬時八賠一咁熱，不過仍然係熱門。主要對手前副主席科恩就係一賠三，最冷係薩默斯死對頭Jeffrey Sachs，一賠五百。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange