《哀》皇家馬德里喺周三歐聯B組分組賽主場迎戰哥本哈根，基斯坦奴朗拿度（左）同迪馬利亞（右）各入兩球下以4:0大勝，兩戰全勝形勢大好。連門將卡斯拿斯亦闊別超過250日之後，首次喺巴拿比奴主場正選把關，惟獨係1億歐元身價嘅加里夫巴利就獨憔悴。
巴利因為大腿又有事，喺呢場波再度缺陣，經診斷後證實係肌肉有啲拉緊，主帥安察洛堤話佢要休息15日左右，但係咪趕得切喺月尾對巴塞隆拿嘅大戰候命仲係未知之數。咁貴買巴利返嚟到𠵱家都冇一次正式踢足90分鐘，踢吓唞吓，令人不其然諗番喺04年嘅慘事，當年由紐卡素以2,000萬歐元買活基治返嚟，養傷等足一年先首次上陣；家陣巴利貴佢5倍，我求大俠都戥皇馬驚，慘案會重現。
足本收睇《亂噏24》x 卓韻芝；緊接歡迎「宇宙最強」甄子丹！
周一至周五《亂噏24》預埋你： http://bit.ly/appletalk24