汪圓圓和Mandy Lieu前晚現身又一城的時裝活動，圓圓笑言途中遇上交通意外，趕來工作無暇如廁，全程在台上「震住」行騷，她又透露早前與未婚夫蔡加讚在歐洲影婚紗相：「兩個當時狀態麻麻，頭嗰幾日食咗好多脹晒，最後兩日先影，唔會再影過，等十周年先。」問她對於加讚擺甫士表現如何，她表示：「佢知我份工唔易做，我有教佢擺甫士，佢有高度又靚仔已彌補好多不足。」
同場有性感的內衣騷，Mandy笑言不抗拒：「冇人搵我，自己唔介意，未行過內衣、泳衣騷，靚就OK，不過要操弗，唔可以太瘦冇咗胸。」Mandy透露在台灣拍攝的動作片有不少性感造型：「有個deep V造型好性感，唔可以再瘦縮水，連唔到戲。」
採訪、攝影：譚倩宜
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好
多時裝靚嘢睇！