有家長為求替兒子爭一席喇沙小學學位，不惜豪擲千萬搬屋、月花萬元培育子女，甚至本來信佛亦改信基督，還算是新聞？還有人會覺得新鮮嗎？不過今次報道的那位靚太是內地新移民，加上以為主耶穌基督一家親，才招來各方同聲恥笑大肆報道。
這些年來名校門口被採訪的家長說話幾乎全帶內地口音，不過全部都是真金白銀花錢買磚頭兼投資買來貨真價實的香港居民身份，孩子們都在香港出世，還不算土生土長算甚麼？憑甚麼說人家霸佔我們教育醫療資源？香港經濟不是靠他們拯救，難道靠耶穌？真正天真夾儍是誰？
中港家長 都是怪獸家長
反過來人家睇新聞見本地家長買不起豪宅，不惜虛報九龍塘地址，為報名校網甘願以身犯險，分分鐘坐監都要博，何須掩着半邊嘴，直頭開懷大笑，收唔到聲啦！今後狹路相逢點抬得起頭呀香港人？
我們的689特首開埋聲幫我們爭取開放更多自由行來振興香港經濟，保住我們飯碗，幾有前瞻性、幾有領袖風範呀？仲幾有腰骨、幾有膊頭呀，不過縮一啲之嘛，落一陣街之嘛，都要被追罵，使唔使咁過份呀？死一個689，還有千千萬萬個689；這批強國人未走，經已有億億萬萬個列陣等住衝過來，問香港這幅彈丸之地，個個手無縛雞之力，能有甚麼法力抵擋？靠幾個老弱傷殘去佔領中環？奢望會有坦克車出迎？殺雞焉使用牛刀，搞搞分化插插旗，整多幾round蛇齋餅糭輕輕鬆鬆，即刻搞掂又得，慢慢搞掂又得，得咗！得啖笑！
講來講去香港家長又好，內地家長也好，咪又一鬼樣係怪獸家長？香港官又好，內地官也好，咪又一鬼樣係貪官？
本是同根生嘛！
張慧敏
http://www.facebook.com/HKcareerdoctor
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24