【本報訊】龍記飯店在中環半山結志街屹立近30年，最初只是一家街邊檔，後來成功「上舖」，至今已逾四分之一世紀。白手興家的老闆李先生批評，市建局突然急於清場要多家商戶離場，「鏟平晒我哋，街坊都冇地方落腳食餐平民化嘅飯啦！」
「咁多間舖連根拔起」
曾被中環街坊稱為區內四大燒味店的龍記，最著名是堅持採用新鮮豬，令其燒味的肉質較嫩、燒皮香脆，連阿一鮑魚的老闆楊貫一、國際影星周潤發也是座上客。
李先生表示，當年市建局向受影響商戶提出，重建範圍的中間地盤完成重建後，即新建的兩層高濕貨街市落成後，才會開始其餘範圍的重建。他們於上周初卻接到市建局的信件，要求12月底清場不再續租，「點解一定要三個月前（通知）咁趕？早半年唔得咩？」
李先生批評，新的濕貨街市「有排都未起好」，現在卻要急於收回其他商戶的店舖，「張震遠當年話要以人為本，但𠵱家係將成條街咁多間舖連根拔起喎！」
他說，商戶最大難處是短時間難以覓得新地方繼續營業，「我哋咁多喺中環返工嘅人上嚟搵食，一次過冇晒你話點算好？」
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24