【本報訊】嘉咸街一帶市集已有近160年歷史，是全港最老市集，見證殖民地年代開埠初期維多利亞城的舊日足迹。在結志街開業68年的新景記粉麵店經歷逾半世紀的風雨，第二代掌舵人唐錦枝慨嘆，當年能捱得過沙士，現在卻可能敵不過重建，「咁短時間要走，邊搵得切地方搬？我哋做街坊生意，唔係個個嚟中環都只可以食鏞記㗎嘛！」
僅得三個月另覓新舖
新景記由大牌檔做起，及後遷至現舖至今近70年，是半山區內買少見少的老字號，現時由家族第二代唐錦枝掌舵。鎮店之寶是自家製的魚蛋及魚片，同時又以便宜見稱，「我哋一碗粉賣25蚊，加碟菜都係30蚊出頭，附近大牌檔都做唔到呢個價。」唐說，他們現時只得三個月時間另覓新舖，「就算好彩搵到，又裝修又發牌，邊趕得切？」
唐又指，店舖近日買入不少乾貨如辣椒乾等用作自製醬料，「三個月點用得晒啲存貨，點解咁遲先話清場唔租？」
唐錦枝和太太慨嘆，當年沙士環境極差，每月貼錢出糧予員工只望「守到間舖」，最終捱過，但料不到重建步伐之快令人招架不住，「大家望住個新街市以為起好先話走，冇諗過嚟緊嘅新年都過唔到」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange