全城睇實美國喺今個月17號之前，可唔可以債務上限傾掂數。雖然大家都好似預咗一定搞得掂，不過一日未有結論，相信呢段期間，港股想無憂無慮大升都幾難。加上近日內地經濟數據都係麻麻，睇嚟都係要等11月的中共十八屆三中全會，港股先會有希望。
摩通睇好可見19元
既然港股要唞唞調整吓，不妨留意一些早已橫行一段時間，正蠢蠢欲動的股份，如中國建築（3311），該股乃香港最大型承建商之一，亦是內地保障房承建商的龍頭。雖然早前贏得重大合同，而內地房地產氣氛又見改善，不過都未能刺激受價反彈，過去三個月更嚴重跑輸恒指，昨收12.3元，跌1.4%。
過去三個月，中國建築已經宣佈三個重要的新項目，有望推高銷售及盈利增長，但市場又驚會有融資行動。
摩通指，該公司唔需要發新股，都有足夠方法去維持增長，亦不會引致不可收拾的負責水平，另一方面，公司更可以受惠保障房項目，故將其2014年度新合約額預測由480億元升至550億元，更將其銷售及盈利調高3%。維持「買入」評級，目標價由17.5元升至19元。
綜合彭博大行預測，近九成大行都建議買入中國建築，只得一成給予「沽售」。加上，該股已橫行逾三個月，明顯落後大市，於12元見支持，不妨先買第一注，待成功突破13元再追貨。
瑪姬兒
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24