上市公司越來越明白社會企業責任，唔係捐錢咁簡單，九倉（004）舊年開始就搞咗個「學校起動」職場體驗影子計劃，今年畀超過100名來自11間中學嘅學生，喺旗下15間公司做暑期工。
時下好多年輕人受到家長保護，好少需要主動搵暑期工做，其實有機會去大機構做暑期工，的確係一個好好嘅體驗。不過，現實始終係現實，如果佢哋真係想加入呢類機構工作，就要畀心機完成大學課程先得。
同系會德豐（020）常務董事黃光耀噚日出席計劃嘉許禮時被問到，有冇發現邊位中學生有潛質，佢話有，但都要等佢哋讀完大學，再睇佢哋會唔會考慮加入集團先至講。
財爺鬍鬚曾亦有到場，問咗同學仔幾句：「英文有冇進步？」「你今年讀中幾？」呀咁。
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24