張美妮下月21日同42歲髮型屋老闆KK Wong拉埋天窗，準新娘噚日去咗佐敦選購中式裙褂同辦嫁妝，好姊妹楊思琦、陸詩韻、張嘉兒、傅楚卉同陳詠嫻都嚟幫手，不過就未見未婚夫KK。
待嫁美妮心情high爆話：「好開心，想即刻嫁。」佢仲話近排做瑜伽同跑步keep fit：「老公太忙，主要自己策劃。今次兄弟姊妹團各18人，係女性夢寐以求數字。」
張嘉兒睇到美妮出嫁都好恨，問到下個係咪輪到佢，佢好風騷咁話：「唔出奇呀！」張美妮話會拋花球畀張嘉兒，張嘉兒話：「可能我搶花球。」張嘉兒又貪玩試戴龍鳳鈪，佢話：「遲早都會試，試吓先。」問到張嘉兒同男友係咪感情穩定？佢話：「要保持低調，我要矜持，不過𠵱家生活真係好開心。」
思琦催生B
已為人母嘅楊思琦千叮萬囑美妮同老公要養精蓄銳，美妮希望婚後一擊即中：「好想快啲生，生得出一打我都會生。」
撰文：馮仁昭
死過翻生的卓韻芝要同倪匡蔡瀾肥佬黎講人生大限？
毌需忌諱，《亂噏24》周一至周五預埋你： http://bit.ly/appletalk24